Child Protection Quiz

ဘည်အကျိုး ကစာပ်ကဘား ပေန်ပဲန်ဒေဲႈ ခနားပဋိပက္ခ ကဆီုဝ်တီုက်ႎှီုန်းကဲဒီန် အမဒါင်းအ်ုန်မိုႈ ထာန်ဘယ်ကောန်ဒဲႇဂဲ ဒေခါမ်ဘိူန်း အ်ုန်ဘြေ့။ ကောန်ဒဲႇဂဲဒီန် ဘည်ယံမ်းဟာဝ်း ဆာ်အာဝ်မိုႈ ဘည်လူလှဲဝ်ႏ တိုပိုင်းတည်းဇိူင်ကဲ၊ ဘည်အာဝ်မိူဝ်ႈ ကူန်မာ၊ ကတူႈတိုည်း ႎီရ်မှာန်းရိူန်နှာဘံန်း၊ ကတူႈချှူမ်ဟာဝ်း ဘည်တိူရ်ႈမေန်း လံပ်ခေါခါႇ ကာည်း လံပ်ပိင်ငျာကဲ၊ ဘည်ကတူႈအီးဒါဟာဝ်းကဲ ကာည်း ကတူႈအီးကဲပ်တိုည်းဟာဝ်း ဒဲႈကဲပဲန်ဆီုက်ကောန်ဒဲႇ ကာည်း ဘိူန်းဟာဝ်းဒိုည်ႇ နောႈယံဝ်းနောႈကီန်း ပါ်ဇိုကဲ။ က်ုန်မိုႈ ထုင်ရိုဘိုဇေန် ဥပဒေဘည်ပ္လပ္လေႈ ကုင်လှံင်တောန်ကဒါႇ အူလှေမိုႈ ဂေါႇပဋိပက္ခ အီဘားလာက်နာက် ကောန်ဒဲႇဂဲ အီကတူႈဖေးကီန်းဒည်း အာဝ်ဒါႈလိူည် ပဋိပက္ခ အီဘားလာက်နာက် ကုင်တောတ်ကုင် ကာည်း အာဝ်ဒါႈလိူည် ပဋိပက္ခ အီဘားလာက်နာက် ကဲအီအာဝ်မိုႈ ကုင်တောန်ကုင် ခနားဂါရ်ဒီန်ပါ်အာရ်နဲ ကောန်ဒဲႇဂဲ မိူဝ်ႈအခွါင်း ဘည်လိုတိူဝ်ႈအရေး ကနာည်ဒဲႈတကဲ ကာည်း ဘည်လိုဒံန်ခြဲဒဲႈတကဲယာ့်။