အပြည်ပြည်ဆိုင်ရာ လူသားချင်းစာနာထောက်ထားမှု ဥပဒေစွာ လက်နက်ကိုင် ပဋိပက္ခတခုမှာ ပါဝင်နီကတ်တေလူတိ လိုက်နာရဖို့ ကျင့်ဝတ်စည်းကမ်းတိကို ချမှတ်ပီးရေ နိုင်ငံတကာ ဥပဒေကိုယ်ထည် တခု ဖြစ်ပါရေ။ ဒေဥပဒေ၏ ဦးတည်ချက်စွာ လက်နက်ကိုင် ပဋိပက္ခကြောင့် ဖြစ်ရရေ အခက်အခဲဒုက္ခတိကို ထိန်းကွပ်ကန့်သတ်ဖို့၊ လူ့အသက်ခန္ဓာနန့် လူ့ဂုဏ်သိက္ခာရို့ကို ကာကွယ်ဖို့ပင် ဖြစ်ပါရေ။ ဒေဥပဒေစွာ အရပ်သားတိနန့် စစ်မက်မှာ ပါဝင်ပတ်သက်မှု မဟိရေ၊ ဆက်လက်မပါဝင်ရေ လူတိကို ကာကွယ်ပီးပါရေ။ စစ်မက်ဖြစ်ပွားမှုမှာ ပတ်သက်နီကတ်တေ လက်နက်ကိုင်တိနန့် အရပ်သားတိ အားလုံးရို့စွာ ဒေ အပြည်ပြည်ဆိုင်ရာ လူသားချင်း စာနာထောက်ထားမှု ဥပဒေကို လေးစားလိုက်နာရဖို့ ဖြစ်ပါရေ။